الى ولدي

قصيدة مهداة لكل امهات العالم

ابتسام رباح / شاعرة لبنانية

انا جايي قول قصتي بغنية   يا ما تعبت وسهرت ليلية

حتى صرتوا يا أمي شب وصبية  ابني يالي ربيتو عالحب والعز والمصداقية

صار مرافق شلة على الدولة عصيّي  بتمنى يا ابني توعى وتفهم عليي

قبل ما تعمل لنفسك قضية  و ساعتها الندم ما بعود يفيدك ولا شوية

انا كلن يومين عم قضيّهم معكن سوية       بنام وبقول يمكن ما اوعى على الصبحية

وعندها بتصرخ وبتقول قومي    يا امي عن فراش المنية

قومي تا ضمك على صدري   وغطيكِ برموش عينيي

الصارت من البكي والحزن مرتخية

وين بعد فيي قوم  يا ابني ما صار التراب   مغطيني والزهور الندية

والزهور المشلوحة عالقبر تصرخ وتقول قومي مش حلوة هالقد المظلومية

انتِ تعبتي وربيّتي مش لازم تكونهالقد النهاية اليمة

وبيجو خييّ واختي بيبكوا علييّ وبيقولولي امانة سلامي على امي ةعلى بييّ

وبقلون سلامكن يوصل   بس امانة انتبهولي على ولادي ولو خطيّة